تمارين الذاكرة

موضوع مهم جدا لكل شخص بجد يستحق القراءة ^__^ .. نمي ذهنك ......موضوع شيق احب وهو تمارين الذاكرة كنت سمعت برنامج بيتكلم عن تدريب للذاكرة بيخلى مخ الانسان يفتكر 100% من الاحداث اليومية بنظرية اسمها memory palace هى مش نظرية قد ما هى تدريب مثال عنها : لو حد حابب يشترى من السوق 10 حاجات وعايز يعتمد على الذاكرة هيتخيل البيت بتاعه اللى هو الpalace هيبدأ يقول انا عايز مثلا اشترى مناديل وجبنه يبقى هيخزن فى مخه ويتصور فى اول البيت عند المدخل شايف مناديل ملفوفة وفيها جبنه بعدين عايز يشترى مثلا فى باقى قائمة المشتريات فراخ وتفاح يبقى هيدخل فى البيت شوية بتفكيره وعند الصالة يفكر فى فرخة بتاكل تفاح وفى القائمة بتاعة المشتريات بعد كدة زبادى وطماطم يبقى هيتخيل انه فى مطبخ البيت وهيشوف الطماطم مع الزبادى فى طبق واحد مثلا وبيقلبهم بالطريقة دى ممكن نسجل اكبر كمية من المعلومات بتسجيلها فى المخ بأماكن حقيقية حافظنها ولما نوصل السوق نتخيل البيت وكل ما نحب نخزن حاجه اعمق نتخيل مكان اعمق فى البيت اللى هو بيت كل واحد فينا الطريقة دى اتكلم عنها الفائز بالمركز الاول فى مسابقات الذاكرة فى الولايات المتحدة .. وممكن نخزن فى الذاكرة احداث يوميه وذكريات يعنى لو حابين انا ممكن اعمل لكم ابحاث عن الموضوع اكتر ..
المرة الجاية هبعت لكم عن موضوع تبديل الذكريات من ذكريات سيئة لذكريات جيدة عن طريق التحكم فى ذكريات الماضى ... شكرا للإهتمام

Posted in: آخر الأخبار والمنوعات